زماان ..كان الراجل يلبس البدله و الطربوش..وكان لو مشى قالع الطربوش تبقى عيبه فى حقه..ده ولا كأنه ماشى بلبووس..بعدها قامت الثورة..و اتقلعت الطرابيش..و مابقاش يتقال عليهم افنديه..و فضل اللبس يتطور او يتدهور..الله اعلم..و فى العصر اللى احنا فيه ده بأه الغالب الجينز و ال تى شيرت..و مالوا..ما يضرش..و بعدين جت فتره الممثلين الشباب كانوا بيطلعوا لابسين زى تى شيرت كتان و فتحته سبعه و متطرز على الكم و الرقبه..انا لحد دلوقتى مقتنعه ان دى بلوزه بناتى مش ولادى..بس قلت عادى..انتى يا بنتى اللى مش بتفهمى فى اللبس..انتى ايش دراكى..
المصيبه بأه انى بقالى يومين بشوف شباب لابسين..لابسين قميص ساتاان..و ياريته اسود بس..انا بشوف ولاد لابسين قميص ساتان بنفسجى و موف..يا ترى انا برضه اللى مش بفهم فى اللبس ..ولا فيه حاجة غلط
هناك 31 تعليقًا:
بصى انتى بتفهمى جدا ودى ناس تغيظ قوى قوى حتى اللى بيمشوا لابسين بنطلون لوو ويست اولاد او البوكسر باين بجد حاجه مقززة قوى وانا كنت كتبت حاجه زى كده اسمها الاسلام والاتيكيت هتلاقى متكلمه فى اللبس برضه
طبعا يابنتى ظاهرة تغيظ
كمان البنات اللى بتلبس لبس وحش انا رايت بنتين لابسين بنطلونات اقسم بالله نفسى اعرف لبسوها ازاى
ضيقه جدا ازاى لبسوها مش عارف
ربنا يسترها على بناتنا وشياينا
تحياتى ليكى
ههههههههههههههههههههههه
لعلمك انا كمان شفت القمصان الساتان الكرمشة دى
و بنفسجى فعلا
و اتريقت على صاحبى و هو لابسه قدامه
بس عادى مش بيحسوا
و فعلا البولزة الكتان المظرة دى بلوزة
و مينفعش ان اللى لابسها يكون راجل ابدا
اما بقى الطربوش فانا كنت حاحط الصورة دى فى البوست بس قلت خلية اللى عندى احسن
بوست جميل
لعلمك انا بتغاظ جدااااااااااا
من الشباب اللى بيلبسوا كده
دا الطربوش ارحم
تحياتى
eslam
طب تصدقى اللى انا مره كنت بادور على قميص ماعرفتش اجيب قميص عدل
كل القمصان من النوعيه اللى انى بتقولى عليها
وواحد كان ضهره مليان ترتر وخرز على شكل قلب
وحاجات تانيه تحسى انها بناتى وحاجات تالته تحسى انها ماتنفعش لا للولاد و لا للبنات
الواحد عاد بيطلع عينه علشان يجيب تى شيرت أو قميص
ووصل الموضوع للبنطلونات
اللهم اعد ايام الطرابيش
تحياتى
وشكراً عالطوبه اللى حدفتيها
أنا راسى لسه بتوجعنى لغاية دلوقتى
بجد اللبس بقي غريييييييييييب
وبصراحة أنا بحس بشمئزاز لما بشوف
المناظر دي ، بجد مش عارفة الناس دي
بتفكر ازاي ... هما ما بيبصوش في
المراية :)
تحياتي يا جميل
لا يا فندم اطمني بتفهمي في اللبس
بس يبدو ان الزوق العام بئى مضروب بالنار لدرجة تنرفز لاني فعلا بحاول اقنع نفسي ان ساعات اللي اللبس اللي الولاد بيلبسوه مش حريمي
لكن للاسف الشديد اكتشفت بالفعل انهم ساعات بيلبسوا لبس بناتي بس ظاهراً ممكن يمشي ان هوا رجالي و قدام عينيا و الله
بجد حاجة تكسف
تحياتي ليكي و لدونتك الجميلة
سلام
الصورة اللي انتي حاطها لبلدك بره في السايد بار انا بشبه عليها اوي
:)
اوعي لنكون بلديات تبئى بجد صدفة جميلة اوي
السلام عليكم
لا فيه حاجات كتير غلط مش حاجة واحده
وفعلا انا برضه زيك ببقى مقتنعه ان ديه بلوزات بناتي لايمكن راجل يلبسها
بس نقول ايه ربنا يهدي الشباب جميعا
ربنا يوفقك
بصي الموضة السنة اللى فاتت للولاد كانت الترتر فمتستغربيش وكتبت عن الظاهرة المخقززة دي واعتقد ان كان في ناس كتير من الولاد بيمشوا ورا الموضات العجيبة دي فهتلاقى الاكترية والاغلبية ان شاء الله عاقلين
بس سؤال هو مش ممكن يعني القميص اللى تحت البدلة يبقى ساتان عادي ؟؟؟ اصله مش حرير محرم على الرجل بس انا اعتقد انه لوحده اه هايبقى اوفر هايحسسني انه مطرب في ملهى ليلي بس يعني تحت البدلة اعتقد هايبقى شيك ولا انتي ايه رايك؟؟؟
فى حاجات غلط طب والنعمة والنعمة انا شفت ولاد لابسين بلوزة ساتان نص كم وباسورة فى اخرها زى البلوزات بتاعة سعاد حسنى وفى ولاد شفتهم لابسين تيشيرت مفتوح سبعة كبيرة وتحته توب حوض عادى عادى ماتدقيش وماتشكيش فى نفسك يا بنتى
تؤتؤتؤتؤتؤ مش بتفهمي خالص في الموضه لالالالا محبكيش كده خليكي فري يابنتي
-----
طول مااحنا عايشين ياما هنشوف
معنديش رد الا
لَعْن المتشبهين من الرجال بالنساء والمتشبهات من النساء بالرجال
ربنا يهدي
berto xxx
thx
appy
تصدقى انا مارضيتش اجيب سيرة البوكسر ليقولوا عليا انا اللى ببص
:)
هنا هروح اقرا البوست بتاعك
طارق الغنام
الاول شرفتنى بزيارتك
ثانيا تعليقك جاب النص التانى من الصورة
بجد ربنا يسترها فعلا
مواطن مصرى نايم
و الله انا شفت منها مكرمشه و مش مكرمشه
اما عن صورة الطربوش فاتفضل
الطربوش طربوشك
D:
oss
ههههههه
انا عارفة القمصام ام ترتر و خرز دى
بجد مسخرة
و فعلا وصل الموضوع للبنطلونات..هتلاقى بنطلونات بالهبل عليها ترتر او عليها قلوب
انا بيتهيألى تتعلموا التفصيل بأه
:)
اما عن الطوبه..فخليك مستعد..كل ما هتقرب للأزاز هحدفك بالطوب
و صدقنى انا بعرف انشن
eman
انا بسعد بجد لما بشوفك فى الردود..مش عارفه ليه
انتى مش هترجعى للكتابه بأه؟؟
shreef
يا سلام
ده احنا اساسا مش لاقين لبس كويس..يقوموا هم يقطعوا علينا و يشتروا لبس بناتى صرف كده
يا حول الله يارب
اما عن الصورة
فاحم احم احم
بلديات معاليك يا فندم
bota
منورة الكشكول يا فندم
يا رب تسعدينى بالزيارة على طول
بس هو ايه معنى اسمك؟!!
سارة
منورة الكشكول يا جميله
تصدقى انا اول مرة اعرف ان الموضه السنة اللى فاتت كانت ترتر
مع انى ليا 3 اخوات ولاد
اما عن القميص تحت البدله..مش عارفه بيتهيألى يمشى
و الله اعلم
enjy
يا سلاام
هههههههه..لا انا الحمد لله ما وصلتليش البلوزات دى بتاعه سعاد حسنى
الحمد لله بلدنا لسه بخير
واخد بالك يا شرييف
منورة يا انجى بجد
نيمو
و الله انا فرى خاص..بس هى الضرايب السبب
:)
منورة يا نيمو بجد من اول زيارة ليكى
سؤال جديد على مدونة برنماجنا الاذاعى
انت تسال والكمبيوتر يجيب
http://netradio.blogspot.com
والذى يذاع يوميا الساعه 9.10 صباحا ما عدا يوم الجمعة
السؤال هو
الأشاره حمراء
الأشاره خضراء صفراء لافرق فانت متاخر متاخر عن موعدك ....ايه كل العربيات دى؟المرور متوقف لا يتحرك وبعدين لو اقدر اطير!؟؟؟ وتفكر وتسرح ....ما هو السكه واقفه....تفتكر حيخترعوا سيارات تطير؟؟؟؟ ونحب نعرف منك بماذا اجبت .
تمنياتنا بدوام التواصل
ازيك يا استاذه ذربونه...يعنى أنا بقالى أسبوع مخنوق ودمى محروق ومش عاوز أدخل النت بحالتى دى النهارده بس فتحت وقلت أدخل عندك أشوف حاجه لذيذه أقراهاتقومى تحرقى دمى انتى كمان؟ الله يسامحك......معقول فى ولاد فى مصر بيلبسوا كده ده غير اللبس اللى الزملا بيتكلموا عليه فى ردودهم....معقول الشباب فى مصر وصلوا كده؟ يا جماعه الرجوله والعقل دول الحاجتين الوحيدتين اللى فاضلين لينا فى مصر وهما الأمل اللى بأذن الله حنقدر نخرج من اللى أحنا فيه....أرجوكم أرجوكم أرجوكم مش تضيعهوم....شكرا ذربونه على حرقة الدم
desert cat
و الله انا لسه ما عنديش عربيه اصلا
فبلاش تحرقى دمى
D:
ههههههههههههههههههههههههه
وربنا انتى غرييييييييييييييييبه جدا
انتى يابنتى سايبه لبس البنات ورايحه تتكلمى ع الشباب
طيب اقولك ايه يعني
تعرفي
ان الشباب مهما عملو
دول بردو شباب
انما العيبه كل العيبه ىفي البنت بقه دلوقتى
روحي شوفى
انا معاكي في تقاليع الشباب بتعملها دلوقتى وبتغيظ وتفلق بس مش منتشرة اوى اوى زى مابقت منتشرة عند البنات
وع كل حال
ربنا يهدي
موضوعك لذيذ وحلو
بش ناقص شويه موضوعيه
تحياتى وبجد شكرا ع زيارتك مدونتى
وليكي طبق جيلي بالكاستر سكرررررررر خالص
سلام
جيلي كاستر
مش هتقدر تغمض عنيك
اول زيارة ليا لمدونتك الجميلة دى
ولن تكون الاخيرة بإذن الله
عندك حق والله
جزاكى الله خيرا
محمد داود
ردك زعلنى جدا و فرحنى جدا
فرحنى عشان لما لقيت نفسك مخنوق جيت كشكولى
و زعلنى عشان خنقتك بزياده
:)
ألم
يا بنتى يا حبيبتى انا ماتكلمتش على البنات لأنى هنا مش بتكلم على اللبس المؤدب او المحترم او المتدين
دى حاجة خاصه بكل حد لا كلامى هيفيد و لا هيبقى ليه لازمة
انا بس بتكلم على اللبس الشيك و اللبس البيئه..
و انا اصلا بحقد على الولاد عشان تلات تربع لبسهم شيك..فليه بأه يسيبوا كل اللبس الشيك اللى فى المحلات و يجرى على حاجات غبيه
بس
:)
منورة الكشكول طبعا
اختكم فى الله
اهلا بيكى بين ورقى المكرمش
منورة
و يارب اتشرف بردودك دايما
ممممممممممم
انتى شوفتى القمصان اللى من غير كم؟
اللى هيا دى لونها فضى مزهزه
ولا البمبى
واو
شوفتى بادى بمبى لابسه واحد بشنب
مصدقتش
جتنا خيبه :D
مبقيناش نفهم فى الموضه :D
ٍسلامى
إرسال تعليق