حاجة غريبه اوى
انا بحب اصحابى جدا . . و مع كده بقالهم فترة يقولولى انتى اتغيرتى..بأيتى تحطى قطقوطك فى حسابك قبلينا
انا بحب قطقوطى جدا . . و مع كده بقالوا فترة يقولى انتى اتغيرتى..بأيت اخر حد يجى على بالك
انا بحب ماما و بابا جدا . . و مع كده بقالهم سنين يقولوا انتى اتغيرتى..بأه البيت اخر حاجة تيجى فى بالك
قعدت افلى نفسى و لا مؤاخذة فى اللفظ . . افتكر كل حاجة كنت بعملها مع كل حد فيهم ..و ادور انا غيرت ايه بالضبط..فضلت ابحلق فى كل تصرف بعمله دلوقتى..بس والله ما شايفه حاجة..والله ماتغيرت..و الله لسه بحب قطقوطى اوى ..والله لسه بحب اصحابى اوى . . والله لسه بحب اهل بيتى اوى اوى
......................
ملحوظة:لسه النهارده واحده من اصحابى متضايقه منى و بتقولى.."هتفضلى طول عمرك كده ما بتفكريش تتصلى بحد..(عمرك ما هتتغيرى ابدا)"!!!!!
انا بحب اصحابى جدا . . و مع كده بقالهم فترة يقولولى انتى اتغيرتى..بأيتى تحطى قطقوطك فى حسابك قبلينا
انا بحب قطقوطى جدا . . و مع كده بقالوا فترة يقولى انتى اتغيرتى..بأيت اخر حد يجى على بالك
انا بحب ماما و بابا جدا . . و مع كده بقالهم سنين يقولوا انتى اتغيرتى..بأه البيت اخر حاجة تيجى فى بالك
قعدت افلى نفسى و لا مؤاخذة فى اللفظ . . افتكر كل حاجة كنت بعملها مع كل حد فيهم ..و ادور انا غيرت ايه بالضبط..فضلت ابحلق فى كل تصرف بعمله دلوقتى..بس والله ما شايفه حاجة..والله ماتغيرت..و الله لسه بحب قطقوطى اوى ..والله لسه بحب اصحابى اوى . . والله لسه بحب اهل بيتى اوى اوى
......................
ملحوظة:لسه النهارده واحده من اصحابى متضايقه منى و بتقولى.."هتفضلى طول عمرك كده ما بتفكريش تتصلى بحد..(عمرك ما هتتغيرى ابدا)"!!!!!
هناك 35 تعليقًا:
هههههههههههههه
اول تعيق
كويس حظنا حلو
مدونتك ظريفه اوى
على فكرة دى اول زيارة لينا فى مدونتك
يعنى لازم تتقبلى مرورننا
ها
بس احنا بقى عايزين نعرف مين قطقوطك ده
لاء بجد يكونش هو القطه بتاعتك ولا ايه
؟؟؟؟؟؟؟؟
ممممممممممممم
انا من رايى انك تعملى جلسه مع اصحابك وتعرفى منهم بالظبط هما ليه بيقولوا انك متغير ة معاهم
يمكن يكون فى حاجه بس انتى مش واخده بالك منها
مع ارق التحيات
حسام وريمان
هههههههههههههههههههههه
تعرفي
والله انا كمان مش شايفه حاجه
بتحصل كتير ع فكرة مش معاكي لوحدك
تحياتى ياقطه
يلي تاكيد الكلمه
سلام ياعسل
بقولك
فى غلطه في التعليق
ياريت تشيييييييلي تاكيد الكلمه
مش بقولك مش شايفه حاجه
سلام
ذربونه
الإسم مش هتكونى عارفاه بس هو (كما هو واضح اختصار لأسامه)
معاكى حق فى البوست اللى فات
والله لما قريت تانى اقتنعت
بس برده حوار انك كنت عايزه تكونى ولد عشان تخرجى براحتك ده باطل
مبنى على باطل إنه الولد من حقه يعمل اللى هو عايزه
دماغى ناشفه :) صح؟؟
بالنسبه للبوست ده فأنا تقريباً من ساعة النتيجه وانا مطنش لصحابى وتقريباً بقيت من كورس الإنجليزى للكمبيوتر ومن الكمبيوتر للسرير ومن السرير لكورس الإنجليزى
وهكذا
تحياتى
yaaaaaah kelmat enty et3'ayarty de btet2aly kteeeeeeeeeer awe we bardo mesh bab2a 3arafa leh
we bardo ba7es eny zay mana we mat3'ayartesh bs hoa momken 3lashan el nas de bt7ebena awe fa 3ayzana 3altol ma3ahom
elblog beta3ek hayel
nonaaaa
بجد نايس ورق بس مش مكرمش .. مكوي
المدونة شكلها خاص اوي فهل يا تري انتي عايزة مشاركين عليها ولا المشاركة محدودة
هاكونا ماطاطا
انتوا تنوروا فى اى وقت
حد يطول يلاقى حسام و ريمان عنده فى البلوج
اما عن الجلسه فالواحد عمل كتيير و الله
و كل مرة يقولوا اتغيرتى فى كذا اقولهم حاضر هحاول اتصلح..و تانى يوم يقولولى شفتى اديكى ما صلحتيش عيبك
فانا خدت قرار انى ماليانه عيوب و اللى مش عارف يتقبلها و يتكيف معاها يبقى ده عيبه او مشكلته
و انا ان حبيت اغير حاجة فى نفسى فهيبقى بمزاجى من غير ما حد يبقى بيزقنى
بس..
ألم
منورانا والله
استنى اما اجيبلك حاجة للألم بتاعك ده من صيدليتى D:
طب كويس ان مش انا لوحدى اللى مش شايفه حاجة
oss
لا ده مش اسامه
بس برضه هناكف فيك واقولك انه مش مبنى على باطل لكن انا بحاول افهمكوا الحقيقه لمده 19 سنه و لسه مقتنعتوش فالاذكى انى اخدكو على اد عقلكوا و ابقى انا ولد و بالتالى امشى كلامكم بس استريح انا
اما عن الكورس و البيت فده جمييييييل ده معناه ان قوانينى ابتدت تنفذ و بأيتوا من الشغل على البيت عدل
نياهاهاها
ftafet
2a5eran la2et 7ad yekteb franko 3ashan 2arod 3aleh franko..which is easier..2ama 3n en elnas elle bey7ebbona 3awzena ma3ahom 3alatol..f homa keda bey5alona neb3ed 3anhom la2ennea benebtede ne7es ennena hane5sar nafsena law fedelna nesma3 2entekadathom
we menawarane ya 2a7la nonaa fe bloggers
:D
amgad
ميرسيه على كلامك
بس تقصد ايه بمشاركين
يكتبوا معايا يعنى
هممممممممم
هو الصراحة انا البلوج الاساسى بتاعى بنكتب فيه انا و صحابى
و جيت هنا عشان اكتب لوحدى
اما لو قصدك مشاركين بالردود فياسلااام ده عز الطلب خصوصا انى هنا بحاول اتعرف على ناس جديده نوفى غير اللى كنت اعرفهم هناك
و بس..
إيييييييه يا ذربونه؟؟؟؟؟؟؟؟؟
العزله اللى انا فيها دى اختيارى
أنا بقالى عشر شهور طهقان فى الشارع من الدروس
علشان كده انا بقيت باكره الشارع
ومستريح فى البيت
يعنى مش قوانينك
وأوس والله اختصار لأسامه
وأنا دماغى ناشفه ومصمم إن حلمك ده مبنى على باطل حتى لو اخدتينى على قد عقلك
بس أنا فى الآخر معاكى فى إن الولاد الحريه اللى واخدنها احياناً بتبقى زايده
تحياتى
وهتبقى بلوجر هايييييييل
آه معلش
أنا بعد إذنك عملت ليكى لينك عندى
إن كان مافيهاش حاجه
oss
هاهاهاها
ازاى بقى مبنى على باطل اذا كنت انت بتقول ان الولاد ساعات حريتهم بتبقى زايده
:)
عموما انا بحب الدماغ الناشفه
اما عن اللينك فده اصلا يزيدنى شرف احنا نطول
يشرفني أن أدعوكي سيدتي لزيارة مدونتي المتواضعة ووضع لمساتك عليها..
وأعدك أن تكون مدونتي صديقة وفية لمدونتك..لإقط شرفيني بالزيارة والتعليق.
أتمنى أن تلبي الدعوة المعطرة وتجدي أنسك هناك
أنتظر الزيارة
تحيتي لك
مدونتي هنا
http://kanyatklam.blogspot.com/
اول زيارة لمدونتك...
بجد مدونه رائعه وبالذات الجرافيك والشكل العام...
ومواضيعك مفيده ..
تحياتى لكى..
ارجو تقبل مرورى..
عمر
o.spiderhack@yahoo.com
على فكرة الناس اللى حواليكى اكثر قدرة على ملاحظة التغيير ومش معقول كلهم هايجمعوا على حاجه مش موجودة
ولا ايه؟
عادي يا بنتى الكلام ده بيتقال كتير
تلاقى حد يقولك اتغيرتي ز..و دوري فى نفسك تلاقيكي زي ما انت
بس الناس اللي حوالينا بيبقوا اتعودوا مننا على تصرفات معينه...و لو ماعملنهاش بيقولاوا اننا اتغيرنا
و ده طبعا بيبقى حسب المود
المهم لنتي خليكي زي ما انتي و خلاص
كاتب مصرى
من عينينا يافندم
ان شاء الله هتلاقينى ناطالك هناك
المبرمج المحترف
ميرسي كتيير لكلامك
بس عموما انا مختاره تامبليت من بتوع جوجل اصلا و كل اللى زودته الصور
بس برضه ميرسى
blue wave
ماهو المشكله ان كل واحد عكس التانى
كل واحد شايفنى بهتم بالناس التانيه على حسابه
يا أما انا بأه مهتميه بكائن جديد انا لسه لحد دلوقتى ماعرفهوش
انا اللى توصلتله فى الاخر ان دى كانت عيوب فيا ماكنوش شايفنها فيا زمان..و لما قربت اوى ليهم اكتشفوها
يلا ما علينا
واحده مفروسه
و الله انا خدت قرار انى مش هغير حاجة فيا
السوق مليان و اللى مش عاجبه البضاعة يبقى بين البايع و الشارى يفتح الله
الا لو انا اللى حسيتنى غلط و عاوزة اتغير
بس..
ههههههههههههههههه
احلى حاجة الحتة الاخيرة يجد
تحفة موتتنى من الضحك
بس انتى اتغيرتى اوى
بقى طول عمرك نفسك تسكنى على البحر
تبيعى البحر كده بسهولة لمجرد انك فتحتى مدونة
طب ابقى اشوفك عندنا فى اسكندرية
حسلط عليكى البحر وحفتن عليكى
تحياتى و يا رب ربنا يوفقك فى عالم التدوين
eslam
انا اقصد تعليقات وميرسي ع الرد واكيد مدام مش خاصة هتلاقيني مقيم هنا
خالص تحياتي
مهو ساعات الواحد بيتغير ومش يتغير فى آن واحد
يعنى ممكن تتغيرى مع فلانه
فى حاجه معينه
بس
لكن بقيت الحاجات عادى
كمان ممكن فلانه هى اللى اتغيرت
بس كمان قطقوط؟
وكمان ماما وبابا؟
مش يمكن يكون تغير جماعى :d
مدونتك حلوة وعفريته
سلامى
بصي يا ذربونة يا حبيبتي طالما انتي بتعملي اللي عليكي ومقتنعة انك مش مقصارة مع حد ولا يهمك من الكلام ده لأنك هتسمعيه كتيييييييير
ولو حد قالك انتي اتغيرتي اسألي من حيث ايه ؟؟ يمكن ليهم وجهت نظر تقتنعي بيها وتحاولي تغيريها
بس علي شرط تقتنعي فعلا علشان ما توهيش وتحتاري
تحياتي
ربنا يصبر قطقوطك ده على اللى حيشوفه منك...يا بنتى يعنى انتى متعديش حاجه؟ انت اتغيرت كتير ولا انت عمرك ما حتتغير لازمتين فى كل الكلام بين الشعب المصرى مش مقصود بيهم أى حاجه.....مشكله الناس الحساسه دى لما تمسك كل كلمه بتتقال وتحللها....انتى اكيد بيجيلك صداع كتير...صح؟ عمرك ما حتتغيرى....تحياتى وسلام
مواطن مصرى نايم
منور الكشكول بجد
و ده شرف ليا يافندم انى ضحكتك
اما عن البحر فبلاش احقد عليكو يا بتوع اسكندريه
و خليه سر ما بينا بلاش الامور توصل للبحر
amgad
و انا قلت انت انت منور هنا فى اى وقت
تحياتى
عيله مفتريه
لذيذ اسمك
:)
اما عن التغير الجماعى
فالمهم انهم يعرفوا انى مش بيبقى قصدى و بيتهيألى ده كفايه
خصوصا ان محدش مجمع انا متغيرة فى ايه
يلا ما علينا
منورانى هنا بجد
ايمان
و الله انا سألت كتير
و كل مرة بمبرر شكل
و كل مرة اقول حاضر من عينيا هغير نفسى
و كل مرة ما يصبروش عليا
ايه كميه "كل مرة" دى
يلا ماعلينا
:)
المهم انك منورانى
...............................
محمد داود
انت هتخلينى اتذربن عليك ليه بس :)
يا محمد اكيد انا هنا مش مجال اقول تفاصيل و حوارات و اكيد انا هنا لما بقول بيقولوا اتغيرتى كتير او عمرك ما هتتغيرى فدى للرمزيه مش للتفصيل
و بعدين انزل انت بس من على ودان قطقوطى انا ما صدقت متصالحين
و اقولك فى سرك..انا فعلا حساسه و يمكن زياده عن اللزوم بس مش لدرجة انى امسك على كل كلمه
ششششششششششش لقطقوطى يسمعنا
ارضاء الناس درب من دروب المستحيل
اعملي اللي عليكي وخدي بالك علي صحابك وقطقوطه وبابا وماما
ومش مهم بقي اتغيرتي او متغيرتيش
المهم تحسي انك مش مقصره معاهم
بلوجك جميل ... سعيد بوجودي فيه
ليكوريكا
صحيح صورة الورق المكرمش تحفه :)))
معلش نسيت اقول ده في التعليق اللي فات
ليكوريكا
انا اسعد بوجود حضرتك فى كشكولى يافندم
و ربنا يكرمك على كلامك و نصيحتك
ياريت تفضل منورنا
ذربونه ..منورة عالم التدوين
إرسال تعليق