وانا صغيرة _من زماااااااااان_ كان نفسى اكون ولد مش بنت خصوصا انى بنت على 3 ولاد...كنت بستغرب مبدأ بابا و ماما اوى و استغربت اكتر ان كل الناس كده كلهم يقولولك "لا البنت ماتنزلش الشارع عشان ممكن تتعاكس" و فى نفس الوقت يسيبوا ولادهم اللى هم اصلا بيعاكسوا يخرجوا عادى!!..طب ما الاسهل يمنعوا الولاد من الخروج و بالتالى نخرج احنا البنات براحتنا و بعدها بأه يخافوا على الولاد ليتعاكسوا ..و لما فاجئت اللى اكبر منى بالفكرة البنائه دى رفضوها رفض تام مش عارفه ليه و قال حاولوا يقنعونى بطريقه تانيه فقالوا"الولد لازم يتمتع بحياته لأن بعد كده هيتجوز و يعول اسرة و يشتغل و يشقى " .. قال يعنى هو هيتجوز لوحده..ماهو اكيد هيتجوز واحدة بنت..وقال يعنى بيشتغل لوحده .. ماهى اكيد هتشتغل معاه . . و هتعول معاه نفس الاسرة اللى هم الاتنين اصلا هيشتركوا عشان يكونوها اساسا..الغريب ان هم لحد دلوقتى مش مقتنعين بكلامى...عموما بكره يجى اليوم اللى هيبقى الولاد فيه من الشغل على البيت عدل و البنات تخرج بالليل براحتها
. . بس.
................
ذربونة هانم
. . بس.
................
ذربونة هانم
هناك 21 تعليقًا:
منطقك صح
لو كل اسرة علي الاقل علمت ابنها مايعاكسش بنات الناس كانزمان البنات بتخرج من غير ماتتعاكس
مش هااقولك مانخرجهمش خالص احنا برضه عندنا رحمة
والله كلامك صح وبعدين انتى مش متابعة الاحداث ولا ايه مهم خلاص البنات دلوقتى مش بيرجعوا الا نص الليل...بوست هادف
شفقة
كل الكلام دة صح والله يا زربونة هانم بس تقولى ايه فى العالم اللى شايفين ان البنت وظيفتها الاولى والاخيرة انها تفضل طول عمرها تحضر فى نفسها عشان تبقى زوجة وعلى ذلك ما ينفعش تخرج ليييييييه؟؟؟؟؟
احسن تكتشف ان مش دة الهدف من حياتها وساعتها هتبقى مصيبة عليهم
يابنتى سيبك من الكلام ده. بكره انشاء الله لما تكونى مع قطقوطك وعندك بنت حتعرفى ان الأهل بيحسوا ان البنت دى جوهره لاوم يحافظوا عليها حتى من نفسها. عمرك شفتى واحد يرمى الجواهر بتاعته فى الشارع؟ انما الولد بيكون متمرمط من يومه ولأخر يومه من الشارع والى الشارع يعود. خليكى جوهره وبلاش مرمطه
البنت زي الولد
و البنت بتاخد شغل اكتر من الولد
والله يا زربونة كلامك منطقي
لعلمك أنا برده كان نفسي أكون ولد مش بنت .. لأن بجد المجتمع اللي احنا فيه بيترصد للبنت علي كل حركة وكل كلمة في حين أن الولاد بيعملوا اللي هما عايزينوا
ما علينــــــــا
ها دنيـــــــا :)
تحياتي
للرجال نصيب مما اكتسبوا وللنساء نصيب
كل واحد ميسر لما خلق له ...
و إذا كانت البنات ربنا خلقها فهى نصف المجتمع الذى يصنع النص الآخر
و ربنا كرمها و الاسلام اعطى لها حقوقها كاملة
بجد البنااااات فى نعمة مش حاسنها
والله عند حق يا زربونه
انا كنت دايما اقول الكلام ده
ههههههههههههههههه
أنا أعرف بنات كتييييييير قالت نفس الكلام اللى انتى بتقوليه
بس فى النهايه الولد بيتمرمط ويطلع عينه فى الشغل بعد كده وهو اللى هيصرف عالبيت لما يتجوز وقبلها هيجهز وقبلها عايز يتشغل فى وظيفه حلوه علشان يعجب البنت اللى هيتقدملها
وىوىوى
ده انتم بتدلعوا لو قولتم كده تانى
تحياتى على البلوج وربنا يكرمك فى التدوين
كان نفسي ابقي ولد أنا كمان
يا سلام يا ولاد
أعرف ابات برة مع صحابي و اسافر برة مع صحابي و بتاع
انا اصلا كان نفسي اروح احارب
واروح التجنيد او التربية العسكرية
مامتي كانت قالتلي باين خدتها ولا مش عارف إية
لما سألت عنها في الجامعة قالوا للولاد بس
يلا بلا هوسة
الحمد لله محدش عارف الخير فين
و كل مصير لما خلق له كما قال احد المعلقين
دمتي سالمة
سلامون عليكي
المفقوعة مرارتها
الاول انتى اول واحده تنورنى فى البلوج هناهو
تانيا بأه مانا قلت نخرجهم بس من الشغل للبيت
:):)
شفقه هانم و احسان بك
يا مرحب يا مرحب بيكوا هنا
بجد الكشكول نور
بس هى الاحداث دى فين
انا لسه برجع الساعه 10 بالكتير
و لسه مش ينفع اسافر اسكندريه مثلا لوحدى
و لسه و لسه
انجى
و الله مش معترضه ان ده يبقى هدفها
بس يخلوها تشم نفسها بأه قبلها
منورة يا انجى
و كلامك عجبنى
محمد داود
بس الجوهرة بتفقد لمعانها لو فضلت محبوسه فى علبتها و محدش لبسها يتجمل بيها
عموما انا هبقى اخلى قطقوطى يخرجنى
بس بأه
و منورنى فى كشكولى
مواطن مصرى
اخخخخخخ
شكلك من الاعداء
انا مش شايفه الى انت بتقولوه ده خصوصا فى الشغل
اى نعم احنا بنركب المواصلات قبلكوا بس مش بنلاقى شغل قبلكوا
بس برضه الاعداء منورين الكشكول طبعا
ايمان
و اسمع احلى سلام و تحيه لايمان هانم
ويييييييييت وييييييييييت
منورة البلوج يا جميله
عمرو وجيه
انا مش بتكلم ان احنا مش واخدين حقوقنا كامله
انا بتكلم انه منطقكم مش طبيعى
الاولى تصلحوا الفاسد احسن ما تحجروا على الضحيه
عموما منورنى هنا برضه و الاختلاف فى الرأى لا يفسد للود قضيه
oss
همممممم الاسم مش غريب عليا
بس عموما انا اصلا بحب اناكف اى حد بالاسم ده
فهقولك الى قلته فى البوست
انت مش هتشتغل لوحدك و مش هتبنى بيتك لوحدك و مش هترضى تتجوز بنت فى كليه او شغلانه متعجبكش
فايه الفرق
واحدة مفروسه
طب يا ترى حصل تغيير؟!!!
نعكشه
تصدقى انا فعلا كنت بقول لاخواتى انى كان نفسى اجرب التجنيد ده
:)
هو ده الكلام..ما تقدميش من غيرى بأه على التجنيد
إحنا ناخد أوراقنا و خلاص
هحجز هناك من 3-6 عشان حفلات بليل مش للبنات
ههههههههههههه
دمتي سالمة
سلامون عليكي
إرسال تعليق