"ماتزوقينى يا ماما .. اوام يا ماما ..ماتزوقينى يا ماما .. اوام يا ماما.. ده عريسى هياخدنى بالسلامه يا ماما"
فضلت الاغنيه دى تتردد على لسان بنت خالتى..اللى معداش سنها ال 8 سنوات و معداش طولها ال 80 سم..و لما اقول تتردد فأنا اقصد انها بتردد على مدار اليوم لمده اسبوع كامل قضيته فى مرسى مطروح عند خالتى..و طبعا يصاحب الاغنيه حركات لولبيه اخدتها رمز للمياصه و البنوته"بفتح الواو"..و فضلت انا بضلين..ضل مسببه النور..و ضل آدمى اسمه "سهيله"...لحد ما بقيت ادعى ان عريس الغفله ده ييجى اوام فعلا و ياخدها من على ودانى..و فى وسط مانا بدعى ربنا ان العريس ده ييجى او ان سهيله يجيلها زغطة..سمعت "كريم"_و هو نسخه قزمة من (الضيف احمد)_بيسأل مصطفى اخويا"أبيه مصطفى..هو السندوتش فى مؤمن بكام" و يرد مصطفى " يعنى يا كركر حوالى عشرين جنيه ولا حاجة"و هنا يبدأ كوكو عادته فى تضخيم الارقام مجرد ما يسمع رقم و يرد"عشرين جنيه..همممم..اه..و ممكن بميت جنيه..بخمسميت جنيه..بألف جنيه..بخمسميه و خمسن الف جنيه....." و يسكت غالبا لأن الارقام اللى عرفها خلصت..و يفضل يفكر فى سعر جديد لسندوتش مؤمن و نفضل احنا مستنين بخباثه الرقم الجديد..و فجأه يفتح بؤه "بشلن" و هنا نقع كلنا على الارض من الضحك بما فينا كريم نفسه..و ييجى اخوهم الاكبر محمد و يقوله"و الله كنت طيب يا كريم" ودى البديل المخفى لجمله "ربنا يكملك بعقلك يا كريم"...و بعد طول انتظار الاقى الموبايل اللى مبيفارقش ليدى بيترعش فأقوم اجرى على البلكونه..قلبى سابقنى على هناك اصلا و هو بيشد الموبايل من ايدى..و اسمع احلى الو من أحن "سمسم" فى الدنيا
هناك 27 تعليقًا:
حمدالله عالسلامه
بس بردو ماكانش ينفع
تبعينا علشان مطروح
:(
سايبانا كده من غير لا خبر ولا يحزنون
ماكانش العشم
:)
عموماً لو كنت مكانك كنت بعت بردو
حمدالله عالسلامه
ماشى
الناس اللى لحقت تصيف دى
يا بختك
ويابختك ب سهيله وكركر:))
واحن سمسم( وش بيغمز)
والله برافوا عليكي الدور والباقي علي اللي قاعده وسط الابحاث والمعاهدات
اه ياني من القرايه ياني
انا مش بحسد انا بقر
:))
عارفه
من كل ده
عايزة اقولك ربنا يخليلك سمسم
مش حسد ده حقد
نياهااااااااااااا
لالا بجد
رمضان كريم
ليكى ولسمسم
سلامى
حمدلله علي السلامة
كل سنة وانتى طيبة
كل سنة و انتي طيبة و إن شاء الله يبقى رمضان كويس علينا.
oss
انا عارفه والله انى استندلت
بس دى مطروح..حتى لو مش مطروح..دى اى مكان غير هنا
معلش يا اسامة بأه:)
الله يسلمك..و كل سنة و انت طيب
blue wave
ههههه
ممكن تاخد سهيله و كركر لو عاوز
بس سهيله و كركر بس (وش بيغمز برضه)
كيارا
يا شيخة حتى لو بتحسدى
مقبوله منك يا جمييل
كل سنة و انتى طيبه
عيله مفترية سابقا
النهاردة خمسه شهر 5 سنه 55555
:)
كل سنة و انتى طيبه..يا مفتريه :)
شملولى ابن سحلولى
الله يسلمك
و رمضان كريم
عروسة ننوسه
و انتى طيبه يا جميييل
منورة البلوج
احمد المصرى
البلوج نور بجد
و الورق اتفرد ما بقاش مكرمش
:)
كل سنة و انت طيب
كل سنه وانتى طيبه يا دكتوره ذربونه... الأول شكرا انك جبرتى بخاطرى وخدتى التاج اللى سبته لك قبل أجازتى....ثانيا يارب يكون المود الوحش راح راح وانتهى....ثالثا بنت خالتك مغلطتش مطروح أرض الرومانسيه وبتثير فى خيال كل البنات الذكريات والاحلام الرومانسيه وفوارس الأحلام من أول تانيه ابتدائى لحد تانيه كلية صيدله...رابعا رمضان كريم....خامسا سلام عليكم
أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان
كل سنة وانتي طيبة يا ذربونة
ايه الغيبة دي كلها
ما عالينا ، رمضان كرييييييييييييييم
بسم الله الرحمن الرحيم
السلام عليكم ورحمة الله وبركاته
بجد اول طلة ليا على مدونتك و شكلها ان شاء الله مش هتكون الاخيرة
ماشاء الله جميلة وواسعة هههههههههه ايجار جديد دي؟
بس بجد بقى حسيتك لذيذة قوي و تلقائيتك عسولة خالص
صحيح انتي منين؟ (على الصورة اللي اخوكي ماشاء الله واخدة تحفة تسلم ايده)
صحيح هو العريس ده كان عريس مين بالظبط؟
و بعدين انتي قلبتي الاسبوع في كلمتين؟ مينفعش كدة
بجد سعيدة جدا اني جيت هنا
طق طق طق
دستور يا اهل البلوج
ذربونه هانم هنا ؟؟
ذربوووووووووووووووونه
انت فين؟
:((
ههههههههههه
تدوينة جميلة أوي بجد
دي أول مرة أجي هنا .. بس اتبسطت جدا
وهاجي كتير بعد اذنك :)
الحمد لله على سلامتك يا حبيبتي
انتي فييييييييييييييييييييين يابت
رحتي فين
هو انتى اختفينى فين؟ شكلك معتكفه فى مسجد.....عوما شكرا على السلام السريع.....فى انتظار جديدك دايما يا دكتوره
الغيبة الاولي بسبب الاسبوع المطروحي
طيب التانية؟؟
ولا انشغلتي بالكتابة في مكان تاني ونسيتي ورق مكرمش ;) ؟
زربونة هانم
انتى فين؟؟
غيبتك طولت
قلنا رمضان و العيد و ال 6 ايام البيض
و لسة مش ظهرتى
لعل المانع خير
عاوزة اجازه خدي براحتك
بس ادخلى قولى انك اجازة
لكي يطمأن قلبنا
زربونة هانم
انتى فين
اوعي تكوني اكلتي كحك كتير كتم على نفسك
ههههههههههههههههه
يارب تكوني بخير
طمنينا طيب عليكي بس
عيد سعيد
وكل عيد اضحى وانت بخير
وان شاء الله العام القادم على عرفات متجمعين
عيد سعيد يارب العالمين
إرسال تعليق